სამართლის სამაგისტრო პროგრამა ალტე უნივერსიტეტის სამართლის სკოლაში შემავალი პროგრამაა. აღნიშნული სკოლა, მისი 20 წლიანი ისტორიით, მიზნად ისახავს მოამზადოს შრომის ბაზრის მოთხოვნების შესაბამისი ცოდნითა და უნარებით აღჭურვილი კურსდამთავრებულები, რომლებიც წარმატებით დასაქმდებიან როგორც კერძო სექტორში, ასევე სახელმწიფო ორგანიზაციებში, საერთაშორისო ორგანიზაციებში, დიპლომატიურ კორპუსებსა თუ არასამთავრობო ორგანიზაციებში.

სამართლის მაგისტრებს გამომუშავებული აქვთ იურისტის რეგულირებადი პროფესიისთვის აუცილებელი ყველა საჭირო კომპეტენცია, როგორც სამართლის დარგობრივი მახასიათებლების, ისე დასაქმების ბაზრის მოთხოვნების შესაბამისად.

პროგრამის მიზანი

პროგრამის მიზანია:

სტუდენტს მისცეს თანამედროვე იურიდიული განათლება და შესძინოს სამართლის სფეროს ღრმა და სისტემური ცოდნა სამართლის სისტემათა შედარების საფუძველზე;
გამოუმუშავოს მიღებული ცოდნის პრაქტიკულ საქმიანობაში ეფექტურად გამოყენების და სამართლებრივი პრობლემების სამართლიანად დაბალანსების გზით ორიგინალურად გადაწყვეტის უნარი;
განუვითაროს საკანონმდებლო ნოვაციების, თამანედროვე სასამართლო პრაქტიკის და მეცნიერული სიახლეების ანალიზის და სამართლებრივი საქმიანობის რაციონალურად წარმართვის უნარი;
გამოუმუშავოს დამოუკიდებლად მეცნიერული კვლევის დაგეგმვისა და განხორციელების უნარი;
განუვითაროს აკადემიური და პრო¬ფესიული საზოგადოებისათვის საკუთარი სამართლებრივი მოსაზრებების და არგუმენტების გაზიარების უნარი ეთიკური სტანდარტების გათვალისწინებით;
სტუდენტმა გაიაზროს სამართლებრივი ღირებულებების მნიშვნელობა სამართალწარმოების პროცესში;
სტუდენტმა დამოუკიდებლად წარმართოს ცოდნის და უნარების შემდგომი სრულყოფის პროცესი.

სწავლის მეთოდები

პროგრამა ხორციელდება სწავლის ისეთი მეთოდების გამოყენებით, როგორიცაა ლექცია, ახსნა-განმარტება, ანალიზი, გონებრივი იერიში, დისკუსია/დებატები, დედუქციური და ინდუქციური მეთოდები, შემთხვევის ანალიზი, შედარებით-სამართლებრივი ანალიზი, ისტორიულ-სამართლებრივი ანალიზი, შემთხვევის ანალიზი (case study), პრობლემაზე დაფუძნებული სწავლება (PBL), ქმედებაზე ორიენტირებული სწავლება, თანამშრომლობითი სწავლება, ჯგუფური მუშაობა, როლური და სიტუაციური თამაშები, პრეზენტაცია და სხვა.

პროგრამის ძირითადი ასპექტები

პროგრამა გთავაზობთ:

სწავლების პროცესშივე თქვენთვის საინტერესო სამართლის მიმართულების (კერძო, საჯარო და სისხლის სამართალი) არჩევის შესაძლებლობას;
ადვოკატის საკვალიფიკაციო გამოცდების წარმატებით ჩაბარებაში ხელშეწყობას; დასაქმების ან კარიერული წინსვლის ხელშეწყობას უნივერსიტეტის დამფუძნებლების, მრჩეველთა საბჭოსა (Advisory Board) და 200-ზე მეტი პარტნიორი ორგანიზაციის კონტაქტების ქსელის საშუალებით;
ინოვაციებისა და მეწარმეობის ცენტრის მხარდაჭერას საკუთარი იურიდიული კომპანიის შექმნის ან სხვა სამეწარმეო მიმართულებით;
გაცვლით პროგრამებში მონაწილეობას;
კვლევით საქმიანობაში ჩართვას;
პრაქტიკის გავლა საჯარო და კერძო ორგანიზაციებში იურისტის პოზიციაზე.

სწავლის შედეგები

სტუდენტი, განმარტავს ქართული და უცხოური სამართლის არსებულ მდგომარეობას, განვითარების ტენდენციებს და პერსპექტივეს, ადგენს ეროვნული და საერთაშორისო სამართლის თანაფარდობას და ევროპის სამართლის გავლენას ქართულ კანონმდებლობაზე;
განსაზღვრავს მოსამართლის პროფესიული საქმიანობის განხორციელების ეთიკურ სტანდარტებს და აღიარებს მათი დაცვის მნიშვნელობას მართლმსაჯულების განხორციელების პროცესში;
დამოუკიდებლად მოძიებული აქტუალური სამეცნიერო ლიტერატურის, საკანონმდებლო და პრაქტიკის სიახლეების კრიტიკული ანალიზისა და შეფასების მეშვეობით შეიმუშავებს სასამართლო პრაქტიკასა და კანონმდებლობაში არსებული კომპლექსური პრობლემების გადაჭრის ორიგინალურ მიდგომებს;
სამეცნიერო კვლევის თანამედროვე მეთოდების და სტრატეგიული მიდგომის გამოყენებით, აკადემიური წერის სტან;დარტების დაცვით, დამოუკიდებლად იკვლევს სამართლის აქტუალურ პრობლემებს
უახლესი ინფორმაციის ინოვაციურ სინთეზზე დაფუძნებულ კვლევის ეთიკურ შედეგებს და არგუმენტირებულ დასკვნებს უზიარებს სამეცნიერო და პროფესიულ საზოგადოებას აკადემიური ეთიკის პრინციპების დაცვით;
არასტანდარტული სამართლებრივი სიტუაციების გადაწყვეტის მიზნით განმარტავს სამართლებრივ ნორმებს ეროვნული და საერთაშორისო სამართლის შედარებითი ანალიზის საფუძველზე, პრაქტიკული პრობლემების გადაწყვეტის გამოცდილების გათვალისიწინებით
წარმართავს განვითარებაზე ორიენტირებულ საქმიანობას და დამოუკიდებლად ეუფლება სამართლის მეცნიერებისა და პრაქტიკის უახლეს მიღწევებს;
თანამედროვე სტრატეგიული მიდგომების გამოყენებით წარმართავს სამუშაო ჯგუფის წევრების საქმიანობას და, საჭიროების შემთხვევაში, ზრუნავს მათი აკადემიური და პრაქტიკული შესაძლებლობების განვითარებაზე ;
ითვალისწინებს სამართლებრივ ღირებულებებს და პრინციპების მნიშვნელობას მხარეთა ინტერესების და თავისუფლებასა და პასუხისმგებლობას შორის ბალანსის უზრუნველსაყოფად.